प्रेम बिबाह गरेको ९ महिनामै छात्रासँग दोश्रो बिबाह

दुर्गाप्रसाद शर्मा/उज्यालो । पर्वत, माघ ७ संगै जीउने र मर्ने कसम खाएर प्रेम बिबाह गरेको श्रीमानले नौ महिना मै सौता ल्याएपछि पर्वतकी एक युवती अलपत्र पर्नुभएको छ ।

पर्वतको जिल्लाको खुर्कोट गाउँ बिकास समिति – ७ का २५ बर्षिय बिष्णुहरि परियारले बिबाहको नौ महिनामा नै दोस्रो श्रीमती ल्ःयाएपछि परियारकी पहिलो श्रीमती मनकुमारी दर्जी अलपत्र पर्नुभएको हो ।

मनकुमारीका श्रीमान बिष्णुरामले आफ्नै स्कूले छात्रा १६ बर्षिया मनिषा बस्नेतसँग दोस्रो बिहे गर्नुभएको छ । बिष्णुहरि र मनकुमारी बिचको प्रेम सबन्धपछि गएको बैशाख १८ गते बिवाह भएको थियो । प्रेम सम्बन्धका कारण बिहे गर्न उहाँहरु बैशाख ११ गते नै घरबाट भाग्नु भएको थियो ।

तर बिबाह गरेको नौ महिना नपुग्दै आफूले पढाउने १० कक्षाकी छात्रा मनिषा बस्नेतसंग पुस २९ गते बिष्णुरामले दोस्रो बिबाह गनुभएको हो । परियार बागलुङ्ग जिल्लाको नरेठाँटी स्थित ईरा मदरल्याण्ड बोर्डिङ्ग स्कुलका शिक्षक हुनुहुन्छ ।

दोस्रो बिबाह गरेर घरमा ल्याएपछि आफूलाई घरबाट बाहिर निकालेको पीडित मनकुमारीले बताउनुभयो । लोग्नेस्वास्नीको सम्बन्ध स्थापित भैसकेको र कानुन बमोजिम योग्य र सक्षम रहेको अवस्थामा लोग्नेले धोका दिई दाम्पत्य अधिकारलाई हनन गरी पुनः अर्को विवाह गरेको भन्दै पीडित मनकुमारीले प्रहरीमा बहुबिबाहको निवेदन दिनुभएको छ । उहाँले श्रीमान बिष्णुराम र मनिषाबिरुद्ध बहुबिबाहको मुद्दा दिनुभएको छ ।

प्रेम बिबाह गरेको ९ महिनामै छात्रासँग दोश्रो बिबाह