इजरायलमा रोजगारी दिने भन्दै लाखौँको ठगी

काठमाडौँ, क्रिश्चियन धर्म मानेकै आधारमा इजरायल पुर्याएर रोजगारी लगाइदिने भन्दै एक जना दम्पतीले नेपाली क्रिश्चियनहरुसँग लाखौँ रकम ठगी गरिरहेको खुलासा भएको छ । आजको नागरिक दैनिकको एक समाचार अनुसार चर्चले दिने प्रमाणपत्रका आधारमा सतिस घले(सामुअल घले) र उनकी श्रमती उषा घलेले इजरायल पठाइदिने भन्दै रकम उठाएको पीडितहरुले बताएको कुरा समाचारमा जनाइएको छ । सन् २००९ देखि नै नेपाली कामदार लैजाने बन्द गरिएको इजरायलमा जागरिको लोभ देखाएर घले दम्पतीले प्रतिव्यक्ति २८ हजारलेखि २ लाखसम्म उठाउने गरेको पीडितहरुको भनाइ छ। तुरुन्तै इजरायल जान इच्छुक भनेर कतारमा हुँदा खाँदाको जागिर छोडेर आए’, सन् २०१३ मार्चमा इजरायल जाने आसमा कतारबाट फर्केका सुनसरी धरान ८ का हीरालाल विश्वकर्माले भने,’ जागिर पनि गयो, इजरायल पनि जान पाइएन।’ दार्जिलिङ निवासी सतिस र नेपाली नागरिक उषा दुवै क्रिश्चियन धर्मावलम्बी हुन् । उनीहरूले रकम लिँदा इजरायल पठाइदिन्छु भनी कबुल गरेर हस्ताक्षरसहित कागज गरिदिन्छन् । इजरायलको सपना देखेर कतारको जागिर छाडेर आएका हिरालाललार्इ पनि घले दम्पतिले आफ्नै हस्ताक्षरमा झुठो कागज लेखेर दिएको कुरा समाचारमा उल्लेख गरिएको छ । इजरायलमा रोजगारी दिने भन्दै लाखौँको ठगी