आगलागीमा परि तीन जनाको मृत्यु, एघार जनालाई सेनाको हेलिकप्टरद्धारा उद्धार

भिडियो हेर्न बक्समा क्लिक गर्नुहोस

 

माघ ५, हुम्ला । गोठी गाविसको घाँसको मेलामा लागेको आगोले ३ जनाको मृत्यु भएको छ । १२ जना घाइते भएका छन् गोठी गाविस वडा नं ३ पुमा गाउँ र बराई गाउँका १८ जना आगलागीमा परेका थिए । बाटोमा हिड्दै गरेको समयमा घासे वनमा लागेको आगोले बराई गाउँकी सर्जुमा बुढाथोकी, गोठी गाविस वडा नं ३ का ३ बर्षीय बालक मान बहादुर बुढा र गोठी गाविस वडा नं ३ का अज बुढाको छोरा २ बर्षको बालक धर्मराज बुढाको मृत्यु भएको छ ।

आगलागीबाट १० जना सिकिस्त घाइते भएका छन् । जनालाई जिल्ला अस्पतालले जिल्ला बाहिर रिफर गरेको छ । २ जनाको जिल्ला अस्पतालमा उपचार भैरहेको छ । घाइते ११ जनालाई आइतबार नेपाली सेनाको हेलिकप्टर मार्फत उद्धार गरि नेपालगञ्ज पुर्याएको छ । घाइते मध्ये जिल्लामा उपचार हुन नसक्ने १० जनालाई थप उपचारकालागि नेपाली सेनाको हेलिकप्टर मार्फत आइतबार जिल्ला बाहिर लगिएको छ ।
उद्दारमा नेपलिसेनाका २ वटा हेलिकप्टर प्रयोग भएका थिए । बराई गाविस वर्ष ५६ की हरीकला बुढा, बराई गाविस वडा नं ३ बस्ने वर्ष ६१ की पुनी रोकाया, बराई ३ बर्ष ५७ की बेलकली रोकाया, बराई ६ कि वर्ष ५२ की रंगमति बुढाथोकी, बराई गाविस वडा नं २ कि वर्ष १५ की जयकृण्ण ऐडी, गोठी गाविस वडा नं ३ कि वर्ष २३ की सारदा बुढा, गोठी गाविसकि बर्ष ३५ की चिम्सी बुढा, गोठी ३ का राजेन्द्र बुढा, बराई ५ कि चैनमति बुढा, गोठी गाविसकि बर्ष ३२ की सर्जमा बुढालाई थप उपचारका लागि जिल्ला बाहिर लागिएको छ भने बराई ३ बर्ष १७ की देवकला रोकाया, गोठी गाविस बर्ष २ की रन्जिना बुढाको जिल्ला अस्पतालमा उपचार भैरहेको छ । उद्धार गरिएका घाइतेहरुको पुरै शरीर जलेको छ । पुरै शरीर जलेका कारण घाइतेका आफन्तले चिन्न नसक्ने अवस्था रहेको छ



स्थानीय भुवो पर्वमा माइती गएकी महिला र उनीहरुलाई पुर्याउन गएकाहरु बाटोमा हिड्दै गरेका बेला एक्कासी पोरिकोसा भन्ने ठाउँमा आगलागीमा परेको थिए । उनीहरु बेहोस अबस्थामा रहेका बेला स्थानीयबासीले घटना स्थलबाट उद्दार गरि गाउँ सम्म पुर्याएको स्थानिय रामचन्द्र बुढाले बताए ।

आगलागीमा परि तीन जनाको मृत्यु, एघार जनालाई सेनाको हेलिकप्टरद्धारा उद्धार