कोरियामा एक नेपाली कामदार मृत भेटिए

सउल । रोजगार अनुमति प्रणालीबाट चार वर्षअघि दक्षिण कोरियामा आएका एक नेपाली मृत भेटिएका छन् । डडेलढुरा भोगेश्वर ५ का ३५ वर्षीय मनोजकुमार पाण्डे गएराती आफू सुत्ने ‌ओछ्यानमै मृत भेटिएका हुन् ।

पाण्डे कोरियाको एक सहर उईजंबु नजिकै पोछनको जिन्स पाइन्ट कम्पनीमा कार्यरत थिए । सोमबार बिहान काममा नआएपछि उनको खोजी गरिएको थियो । सात जान नेपाली कार्यरत रहेको उक्त कम्पनीमा सबै बेग्ला बेग्लै कोठामा सुत्ने गरेका थिए । उनी सुत्ने कोठामा गएर बोलाउँदा ढोका नखोलेपछि नेपाली र कोरियनको सहयोगमा झ्याल फोरी भित्र पस्दा उनी मृत भेटिएको सोही कम्पनीमा कार्यरत पवर्तका नारायण सुबेदीले बताए ।

पाण्डेको शवलार्इ पोस्टमार्टमका लागि सब उहिजम्बुको हस्पिटलमा राखिएको छ । पाण्डेको निधनवारे नेपालमा रहेका परिवारलाई जानकारी दिइसकिएको श्रमसहचारी अनिल गुरुङले जानकारी दिनुभयो । आवश्यक अनुसन्धान र प्रक्रियापछि शवलाई नेपाल पठाइने गुरुङले बताउनु भयो । पाण्डेका श्रीमती , नाबालक १ छोरा र १ छोरी छन् ।

- कोरियामा एक नेपाली कामदार मृत भेटिए