सासमुङले निकाल्यो नयाँ घुमाउरो स्मार्टफोन, ग्यालेक्सी राउण्ड -

दक्षिण कोरियाली स्मार्टफोन निर्माता कम्पनी सामसुङले घुमाउरो स्त्रिmन भएको विश्वकै पहिलो स्मार्टफोन सार्वजनिक गरेको छ । ग्यालेक्सी राउण्ड नाम दिइएको उक्त स्मार्टफोनको स्त्रिmन ५.७ इन्चको रहेको छ । अर्को वर्ष घुमाउरो स्मार्टफोन सार्वजनिक गर्ने एल जी ले घोषणा गरेको भोलिपल्टै सामसुङले सबैलाई चक्मा दिनेगरी यो घुमाउरो स्मार्टफोन सार्वजनिक गरेको हो । स्मरण रहोस् एल जी र सामसुङ दुबैले लचिलो घुमाउरो स्त्रिmन भएको टेलिभिजन समेत निर्माणमा जुटिरहेका छन् ।




　

सासमुङका अनुसार यो नयाँ स्मार्टफोन ग्यालेक्सी राउण्डको सबैभन्दा महत्वपूर्ण विशेषता भनेको यो बन्द रहेको बेलामा पनि यसका प्रयोगकर्ताले मिति, बार, समय तथा मिस्ड कलका बारेमा जानकारी पाउन सक्नेछन् । साथै फोन बन्द रहेकै बेलामा समेत आफुलाई मनपर्ने गित सुन्न सक्नेछन् ।

सुरुमा दक्षिण कोरियामा लन्च गरिएको यो स्मार्टफोन विश्वका अन्य देशमा कहिले लन्च हुन्छ भन्ने बारेमा भने केही बताइएको छैन ।

विश्वमा स्मार्टफोनको बजार तिब्र रुपमा बढिरहेको सन्दर्भमा मोबाइल कम्पनीहरुले पनि नयाँ नयाँ तथा सुविधासम्पन्न मोबाइल फोन बजारमा ल्याएर उपभोक्ताको मन तान्ने कोसिस गरिरहेका छन् । एलजीले हालै विश्वको सबैभन्दा हल्का स्मार्टफोन बनाउने घोषणा गरेको छ । उसका अनुसार उक्त मोबाइल फोन लचिलो हुनेछ र फुट्ने छैन । सन् २०१४ सम्ममा त्यस्तो मोबाइल फोन बजारमा आउने एलजीको भनाइ छ । उक्त फोनमा ६ इन्चको स्त्रिmन हुनेछ र तौल केवल ७.२ ग्राम हुनेछ