"डन" गणेश लामा उम्मेदवारी दिएको भोलि पल्ट जेल बाट छुट्यो

१८ असोज, काठमाडौं । संविधानसभा सदस्यका लागि उम्मेदवारी दिएको भोलिपल्ट ‘डन’ गणेश लामा धरौटीमा रिहा भएका छन् । अदालतले मागेको ३ करोड धरौटी बराबर जग्गा धरौटी र बैंक ग्यारेटी राखेपछि लामा तारेखमा छुटेका हुन् । गुण्डागर्दीबाट अकुत सम्पत्ति कमाएको आरोपमा सम्पत्ति शुद्धीकरण अनुसन्धान विभागले मुद्दा हालेपछि विशेष अदालतले साउन ३ गते लामासँग ३ करोड धरौटी मागेको थियो । तर, धरौटी नबुझाएपछि लामालाई डिल्लीबजार सदरखोर चलान गरिएको थियो । जेलमै रहेको अवस्थामा लामाले बिहीबार संविधानसभा निर्वाचनका लागि काभ्रे २ बाट उम्मेदवारी दिनु भएको छ