|
|
बुटवल, रूपन्देही जिल्लाको बुटवल नगरपालिका-३ हात्तीसुँड सुकुम्बासी बस्तीमा गत पुस २५ गते जन्मेका एक शिशुलाई तीनजना महिलाहरूले आफ्नो भएको दाबी गरेका छन् । संयोगले आमा दावी गर्ने तीनैजना महिलाको उमेर ३२ वर्ष र उनीहरुका पतिको उमेर ३५ वर्ष छ । आजको अन्नपूर्ण दैनिकले प्रकाशित गरेको एक समाचार अनुसार हात्तीसुँडकी लक्ष्मी राईले आफूले जन्म दिएको र गरिबीका कारण पालनपोषण गर्न नसकेकाले सुकुम्बासीबस्ती बुद्दनगरकी जयकुमारी रोकालाई ‘उपहार’ दिएको बताइन् । कपिलवस्तुकी राजमती हरिजनले पुस २३ गते लुम्बिनी अञ्चल अस्पतालमा जन्माएर पुस ३० गते हराएको आफ्नो छोरो यही भएको दाबी गरेकी छन् । उनीहरुले बिहीबार इलाका प्रहरी कार्यालय बुटवलमा प्रहरी उपरीक्षक दिनेश आचार्यसमक्ष यस्तो दाबी गरेकी हुन् । राजमतीले हराएको छोरा खोज्ने क्रममा यस्तेो विवाद उत्पन्न भएको हो । प्रहरीले बुद्दनगरमा सुत्केरी नभएकी जयकुमारीसाग शिशु भएको जानकारी पाएपछि जयकुमारी र लक्ष्मीलाई बालकसहित कार्यालयमा ल्याएको थियो । शिशु पहिचान गर्न आग्रह गर्दा राजमतीले भनिन्, ‘सक्कले चिनेकी हुा । मैलेभन्दा देउरानीले अझ राम्रोसाग ख्याल राखेकी रहिछन्, यो मेरै छोरा हो । ‘ प्रहरी नायव उपरीक्षक आचार्यले लक्ष्मीका छिमेकीसाग बुझ्दा उनी सुत्केरी भएको बयान सही भएको बुझिएकाले तत्कालका लागि शिशु लक्ष्मी र जयकुमारीकै जिम्मामा दिने निर्णय गरिएको बताए । राजमतीको दाबीका बारेमा डीएनए परीक्षण गर्नुपर्ने भएकाले शिशुको उपयुक्त उमेर नहुँदासम पर्खिनुपर्ने उनले बताए । राजमती सुत्केरी हुादा गरिएको शल्कृयाको टाँका फुकाउन कपिलबस्तुबाट बुटवल आएकी थिइन् । उपचारका लागि पालो कुरेर बसेका बेला एक अपरिचित महिला नाटकीय शैलीमा उनको शिशु बोकेर बेपत्ता भएकी थिइन् । यसबारे प्रहरीले खोजी गरिरहेको जनाएको कुरा समाचारमा उल्लेख गरिएको छ ।एउटा शिशुमाथि ३ जना आमाले दाबी गरे
0 comments:
Speak up your mind
Tell us what you're thinking... !