कतारमा रंगशाला निर्माणका क्रममा दुइ बर्ष यता ३८२ नेपालीको मृत्यु

भिडियो हेर्न बक्समा क्लिक गर्नुहोस

 

काठमाडौँ, नेपालको दोस्रो श्रम गन्तव्य मुलुक कतारमा आयोजना हुने २२ औँ फिफा विश्वकप फुटबल (सन् २०२२)का लागि पूर्वाधार बनाउने क्रममा गत वर्ष १ सय ८५ नेपालीले ज्यान गुमाएका छन् । यस सँगै २ वर्ष यता कतारमा मृत्यु हुने नेपालीको संख्या ३ सय ८२ पुगेको छ ।

आजको कारोबार दैनिकले छापेको एक समाचारमा बेलायती पत्रिका ‘दि गार्जियनज’को अध्ययन अनुसार दुई तिहाई भन्दा धेरै नेपालीले हृदयघात तथा कार्यक्षेत्रको दुर्घटना र आत्महत्याबाट मृत्यु हुनेको संख्या थोरै छ । गत नोभम्बरमा एम्नेस्टी इन्टरनेसनले प्रचण्ड गर्मीमा पनि दैनिक १२ घण्टाको काम, फोहोर बासस्थान तथा अत्यधिक भीडभाडका कारण धेरै आप्रवासी कामदारको मृत्यु हुने गरेको प्रतिवेदन सार्वजनिक गरेको थियो । अत्यधिक गर्मी हुने जुनदेखि अगस्ट सम्ममात्रै ४४ नेपालीले ज्यान गुमाएका थिए ।

सेप्टेम्बरपछि डिसेम्बर सम्ममा ३६ को मृत्यु भएको तथ्यांक छ । गार्जियनका अनुसार सन् २०२२ जनवरीदेखि सेप्टेम्बरसम्म १ सय २७ र अन्तिम ३ महिनामा थप ७० नेपालीको मृत्यु भएको थियो । कतारी श्रम मन्त्रालयका उपसचिव हुसेन अल मुल्लाले भने प्रतिशत व्यवसायीले कानुनबमोजिम काम लगाएको दाबी गरेका छन् ।
‘कामदारलाई सही ढंगबाट काम गराउनका लागि प्रतिथबद्धता पनि व्यक्त गर्छु, उनले भनेका छन् ।’ गार्जियनले हृदयघातबाट कसरी मृत्यु भयो भन्ने प्रश्नमा मुल्लाले सन्तोषजनक जवाफ नदिएको पनि समाचारमा उल्लेख गरेको छ ।कतारमा रंगशाला निर्माणका क्रममा दुइ बर्ष यता ३८२ नेपालीको मृत्यु