२० बर्ष भन्दा बढि समयदेखि नायक राजेश हमाललाई चलचित्रको पर्दामा हेर्दै आएका नेपाली दर्शकले अब उनलाई प्रत्यक्ष रुपमा पनि देख्न पाएका छन् । हमाल सैनिक न्यायधिश बनेर अभिनय गरिरहेको नाटक ‘कोर्ट मार्सलको मञ्चन सुरु भएको छ । भारतिय प्रसिद्ध लेखक स्वदेश दिपकले लेखेको यो नाटकले सेनाको तल्लो दर्जाको रामबहादुर पात्रले माथिल्लो दर्जाको अफिसरको हत्या र एक
अफिसरलाई घाइते बनाएको आरोपमा कोर्ट मार्सलमा उभिने कथालाई बोलेको छ । शुक्रबार पत्रकारहरुका लागि मञ्चन गरिएको नाटक शनिबारदेखि भने दर्शकलाई लाजिम्पाटको ‘थिएटर भिलेज’मा मञ्चन हुनेछ ।यो नाटक दिपकको सबैभन्दा चर्चित हो । यो नाटक दक्षिण एसियामा मात्रै करिब ४ हजार भन्दा बढि समय मञ्चन गरिएको छ । यो नाटकलाई अनुप बरालले निर्देशन गरेका हुन् । नाटकमा दयाहाङ राई, बीएस राणा, दिया मास्के, कर्मा, सुवास थापा लगायतका कलाकारले अभिनय गरेका छन् । नाटकका लागि हमाल विगत १ महिना देखि तयारीमा व्यस्त थिए । सिनेमामा खासै व्यस्त नभएपछि हमालको मोह नाटकतर्फ गएको हो । नाटकमा लामा लामा संवाद भएकाले पनि हमालले विगत १ महिना देखि स्त्रिmप्ट बोकेर हिडिरहेका थिए । निर्देशक अनुप बरालले हमालको प्रभावशाली बोली र संवाद कण्ठ गर्न शैलीका कारण उनलाई अभिनय गराउन सजिलो भएको बताए । - राजेश हमाल अब सैनिक न्यायधिश, उभिए ‘कोर्ट मार्सल’मा
0 comments:
Speak up your mind
Tell us what you're thinking... !