डलरको भाउ फेरी १०० रुपैयाँ देखि माथी

भइरहेको छ । नेपाल राष्ट्र बैंकले बिहीबारका लागि डलरको बिक्री दर ९९ सय रुपैयाँ ७२ पैसा तोकेपनि बाणिज्य बैंकहरुले एक सय रुपैयाँ बढीमा बिक्री गरिरहेका छन् । बिहीबार कारोबार भइरहेको डलरको भाउ एक महिना यताकै धेरै हो । भदौको मध्यतिर प्रतिडलर अहिलेसम्मकै उच्च १ सय १० रुपैयाँमा कारोबार भएकोमा असोजको मध्यतिरबाट डलर सय रुपैयाँ तल ओर्लिएर कारोबार भइरहेको थियो । भारतीय मुद्रा पुनः कमजोर हुँदै जान थालेपछि डलरको भाउ आकासिन थालेको छ । नेपाली मुद्रा र भारतीय मुद्राको स्थिर विनिमय दर कायम भएका कारण भारतीय मुद्रा कमजोर हुनासाथ नेपाली मुद्रा पनि स्वतः कमजोर हुने गर्छ । बिहीबार इन्भेष्टमेन्ट बैंकले प्रतिडलर सय रुपैयाँ ३० पैसा, किष्ट बैंकले सय रुपैयाँ ५० पैसा, नबिल बैंकले सय रुपैयाँ ३० पैसा, नेपाल एसबीआई बैंकले सय रुपैयाँ ३० पैसामा कारोबार गरिरहेका छन्