रोनाल्डोको २३ औं ह्याट्रिक

२४ कात्तिक, काठमाडौं । क्रिष्टियानो रोनाल्डोको ह्याट्रिकको मदतमा रियल मड्रिडले स्पेनिस ला लिगामा रियल सोसिडाडलाई पराजित गरेको छ । शनिबार राति भएको खेलमा रियल मड्रिडले सोसिडाडमाथि ५–१ के जित निकालेको हो । घरेलु मैदान सान्टिएयोमा भएको खेलमा रोनाल्डाले १२ औं मिनेटमा गोल गर्दै टोलीलाई
सुरुवातिअग्रता दिलाएका थिए । १८ औं मिनेटमा करिम बेन्जिमाले अग्रता दोब्बर पारे । २६ औं मिनेटमा पाएको पेनाल्टीमा रोनाल्डोले गोल गरेपछि रियल ३–० को अग्रता लिन सफल भयो । ३६ औं मिनेटमा ग्यारेथ बेलको पासमा सामी खेदेराले गोल गरे । ६१ औं मिनेटमा रियल सोडिडाडका एन्टोनीले गोल गरेपनि खेलमा फर्कन ढिला भइसकेको थियो । ६७ औं मिनेटमा गोल गर्दै रियल मड्रिडका

रोनाल्डोले ह्याट्रिक पूरा गरे । रियल मड्रिडबाट उनको यो २३ औं ह्याट्रिक हो । रियल मड्रिडले पछिल्लो ३ खेलमा १५ गोल गरेको छ, जसमा रोनाल्डोले ८ गोल गरेका छन् । पोर्चुगलका रोनाल्डोले यो सिजन क्लब र देशका लागि गरी १९ खेल खेलेका छन् र चार ह्याट्रिकसहित २७ गोल गरेका छन् । -

रोनाल्डोको २३ औं ह्याट्रिक