सुनको भाउ घट्यो

२४ कात्तिक, काठमाडौं । आसन्न संविधानसभा चुनावको मुखमा सुनको भाउ घट्न शुरु गरेको छ । आइतबार सुनको भाउ तोलामा ६ सय रुपैयाँ घटेर कारोबार भइरहेको छ । नेपाल सुनचाँदी व्यवसायी महासंघले आइतबारका लागि छापावाल सुनको भाउ तोलाको ५३ हजार ३ सय ९८ रुपैयाँ तोकेको छ । गत शुक्रबार छापावाल सुन तोलामा २ सय रुपैयाँ घटेर ५६ हजार रुपैयाँमा कारोबार भएको थियो । आइतबार तेजाबी सुनको भाउ पनि तोलामा ६ सय रुपैयाँ घटेर ५३ हजार १ सय ४८ रुपैयाँमा कारोबार भइरहको छ । गत शुक्रबार तेजाबी सुनको भाउ पनि तोलामा २ सय रुपैयाँ घटेर कारोबार भएको थियो । त्यस्तै, आइतबार चाँदीको भाउ पनि तोलामा ६ रुपैयाँ घटेर ९ सय २४ रुपैयाँमा कारोबार भइरहेको महासंघले जनाएको छ । गत शुक्रबार चाँदीको भाउमा कुने फेरबदल भएको थिएन ।