Home »
POLITICS
» एमालेले भीरबाट बस खसालेको बालकृष्ण ढुंगेलको आरोप (एमाबोबदीको कार्यकर्ता दरजनौ घाईते)
एमालेले भीरबाट बस खसालेको बालकृष्ण ढुंगेलको आरोप (एमाबोबदीको कार्यकर्ता दरजनौ घाईते)
अपडेट) १ मंसिर, ओखलढुंगा । एमाओवादीका केन्द्रीय नेता राम कार्की र ओखलढुंगा- १ का उम्मेद्वार केशव राई समेत कार्यकर्ताहरु चढेको बस भीरबाट खस्दा दुईजनाको मृत्यु भएको छ भने २६ जना घाइते बनेका छन् । घाइतेमध्ये ६ जनाको अवस्था अन्यन्तै चिन्ताजनक रहेको छ । घटना दुर्घटना नभई एमालेले गराएको एमाओवादीका केन्द्रीय सदस्य बालकृष्ण ढुंगेलको आरोप छ । ओखलढुंगाको रुम्जाटारबाट निशंखे गाविसमा आयोजना गरिएको चुनावी सभामा जाँदै गरेको बस दुर्घटना भीरबाट खसेको हो । दुर्घटनामा एमाओवादीका २ जनाको मृत्यु भएको छ र २६ जना नेता तथा कार्यकर्ता घाइते भएको प्रारम्भिक जानकारी प्राप्त भएको छ । शनिवार बिहान ना २ ख २३११ नम्वरको रुम्जाटारबाट छुटेको गाडी छरछरेको भीरबाट तल खसेको हो । घटनामा मृत्यु हनेमा एमाओवादी कार्यकर्ता कृष्ण कटुवाल छन् । अर्का एक मृतकको नाम खुलेको छैन ।
एमाओवादीका केन्द्रीय सदस्य राम कार्की र ओखलढुंगा निर्वाचन क्षेत्र नम्वर १ का प्रत्यक्षतर्फका उम्मेदवार केशव राईलगायत २६ जना कार्यकर्ता घाइते हुनुभएको छ । बस चालक एमाले भएकाले षडयन्त्रमूलक तरिकाले छरछरे भीरबाट बस खसालेर भागेको घटनास्थलबाट केन्द्रीय सदस्य बालकृष्ण ढुंगेलले जानकारी दिनुभएको छ । दुर्घटनामा परेका उषा कटुवाल र विवश विसीलगायत ६ जनाको अवस्था अत्यन्त चिन्ताजनक रहेको बुझिएको छ । नेता कार्की र उम्मेदवार राईको टाउकोमा चोट लागेकाले उहाँहरुको प्राथमिक उपचार ओखलढुंगाको मिसन अस्पतालमा भइरहेको छ । कार्की र राईलगायतका गंभीर घाइतेलाई हेलिकोप्टरबाट थप उपचारका लागि काठमाडौं ल्याउने तयारी भइरहेको नेता बालकृष्ण ढुंगेलले बताउनुभयो ।
- एमालेले भीरबाट बस खसालेको बालकृष्ण ढुंगेलको आरोप
0 comments:
Speak up your mind
Tell us what you're thinking... !