सुन्दा पनि अचम्म बलात्कारीलाई घाँस काट्ने सजायँ ? (फोटो सहित)

व्यक्त गरेका छन् । केन्याको डेली नेशनल समाचार पत्रका अनुसार १६ वर्षीया युवतीलाई पश्चिम केन्यामा आफ्नो दाईको अन्तिम संकारबाट फर्किएको बेला बलात्कार गरेका थिए । आक्रमणका क्रममा हड्डी भाँचिएपछि उनी अहिले ह्वीलचियरको सहयोगले हिँडडुल गर्छिन् । केन्याका मानवअधिकारकर्मी र सांसदहरुले घटनाको छानविन गर्न असफल भएको भन्दै प्रहरीको आलोचना गरेका छन् पीडित युवतीले भने आफूमाथि आक्रमण गर्नेहरुमाथि कारबाही गरी न्याय दिन माग गरेकी छिन् । उनी आक्रमणकारीमध्ये केहीलाई चिन्छिन् । आक्रमणको खबर पाउनासाथ स्थानीयले तीनलाई पक्राउ परेर प्रहरीसमक्ष बुझाएका थिए । तर, पुलिसले उनीहरुविरुद्ध उत्पीडनको मुद्दा मात्र चलाएको छ । पीडित युवतीकी आमाले भनेकी छिन्–‘प्रहरीले तीन अभियुक्तलाई पुलिस क्याम्पको घास काट्न आदेश दियो र केहीबेरमा उनीहरुलाई छाडिदियो ।’ युवतीको अवस्थाबारे बुधबार केन्याको संसदको राष्ट्रिय सुरक्षा समितिमा समेत छलफल भएको छ । समितिका प्रमुख आसन्मा किमामाले भनेका छन्–‘यो निकै लाजमर्दो अविश्वसनीय घटना हो । हामी घटनाको गहिराईसम्म पुग्न चाहन्छौं ।’ नेशनल मिडिया ग्रपुले पीडित युवतीको उपचारका लागि खर्च जुटाउन प्रयास गरेको छ भने पीडितलाई न्याय दिलाउन अभियुक्तहरुविरुद्ध अभियान थालेको छ ।