|
|
सबैजसो एउटै गाउँका
काठमाडौं १८ माघ (ओएनएस) : ओखलढुंगामा भएको बस दुर्घटनामा मर्नेको संख्या १० पुगेको छ । अझै केहीको अवस्था चिन्ताजनक रहेको छ । हिजोको थाक्ले ८ सोक्माटारमा भएको बस दुर्घटनामा ३ जनाको घटनास्थलमै मृत्यु भएपनि बाँकीको उपचारका लागि अस्पताल पुरयाउने क्रममा र उपचारका क्रममा ज्यान गएको प्रहरीले जनाएको छ ।
ओखलढुंगा प्रहरी प्रमुख गोविन्द अधिकारीले दुर्घटनामा अझै ३० जना भन्दा बढी घाइते रहेको र केहीको अवस्थामा गम्भीर रहेको ओएनएसलाई बताए । हिजो अपरान्न ४ बजे भएको दुर्घटनामा ३ जनको घटना स्थलमै मृत्यूभएको थियो । सिन्धुलीको झाँगाझुली रातमाटेबाट हलेसि दर्शनकालागि खोटाङजाँने क्रममा रिजर्भ बस हिजो अपरान्न ओखलढुंगाको थाक्ले ८ सोक्माटारमा दुर्घटनामा परेको थियो ।
ना २ ख ७०६३ नं को बस सडकबाट अनियन्त्रीत भई ३ सय मिटर तल खसेको थियो । मृतकहरु मध्ये ५ जनाको पहिचान भएको र अन्य ५ जनाको पहिचानहुन बाँकि रहेको अधिकारीले बताए । तिर्थयात्रामा रहेका तिर्थालुहरु दुर्घटनामा परेपछि सिन्दुली रातमाटे शोकमा डुबेको छ । सबैजसो मृतक रातेमाटेका रहेको प्रहरीस्ले जनाएको छ ।
बस दुर्घटनामा मर्नेको संख्या १० पुग्यो
0 comments:
Speak up your mind
Tell us what you're thinking... !