अबको केही बर्ष भित्रै एमाओवादीको पतन हुन्छ’

चितवन, २१ (ओएनएस) : युवा संघ नेपालका अध्यक्ष महेश बस्नेतले अवको केही बर्षमा नेपालको राष्ट्रिय राजनीतिबाट एमाओवादी पतन भएर सकिने दावी गरेका छन् ।
युवा संघ नेपालका अगुवा कार्यकर्ताहरुलाई आइतबार एमाले जिल्ला पार्टी कार्यालय चितवनमा सम्बोधन गर्दै अध्यक्ष बस्नेतले एमाले नै नेपालको कम्युनिष्ट आन्दोलनको मुलधार भएको दावी गरे ।
नेपाली कांग्रेसको नेतृत्वको सरकार गठन भए त्यस्तो सरकारले जनताको हितमा काम गर्न नसक्ने उनको भनाई थियो । उनले जनताको काम नगर्ने कांग्रेस नेतृत्वको सरकारमा एमाले सहभागी हुन नहुने बताए ।
बस्नेतले संगठनलाई बलियो बनाउने रणनीति बनाए आगामी निर्वाचनमा एमाले सबभन्दा ठूलो पार्टी हुने अनुमान गरे । उनले त्यसका लागि एमालेका युवा नेताले पार्टीमा हस्तक्षेपकारी भूमिका खेल्नुपर्ने बताए ।
अबको केही बर्ष भित्रै एमाओवादीको पतन हुन्छ’