अधिकांश स्थानमा कांग्रेस-एमालेकोको अग्रता

काठमाडौं, मंसिर ५ - संविधानसभा निर्वाचनको प्रारम्भिक परिणामअनुसार कांग्रेस-एमालेले अधिकांश क्षेत्रमा अग्रता लिएको छ ।

पछिल्लो परिणामअनुसार कांग्रेसले १२ स्थानभन्दा बढीमा अग्रता लिएको छ भने एमालेको १० स्थानमा अग्रता लिंदै कांग्रेसलाई पछ्याएको छ । तेस्रो स्थानमा रहेको एमाओवादीपछि राप्रपा नेपालले पछ्याएको छ ।
कांग्रेस सभापति सुशील कोइराला बाँके र एमाले बरिष्ठ नेता माधवकुमार नेपाल काठमाडौं- २ बाट अग्रस्थानमा छन् । काठमाडौं- १० बाट एमाओवादी अध्यक्ष पुष्पकमल दाहाललाई कांग्रेसका राजन केसीले अग्रता लिएका छन् ।
कांग्रेसले काठमाडौं ४ बाट गगनकुमार थापा, काठमाडौं १० बाट राजन केसी, काठमाडौं ९ बाट ध्यानगोविन्द रञ्जीतले अग्रता लिएका छन् । काठमाडौं २ बाट माधवकुमार नेपाल, काठमाडौं ५ बाट ईश्वर पोखरेल, काठमाडौं ३ बाट रामेश्वर फुयाल, काठमाडौं ७ बाट रामवीर मानन्धरले अग्रता लिएका छन् ।
रामचन्द्र पौडेलले तनहुँ २, सुशील कोइराला बाँके २, आमोदप्रसाद उपाध्याय मोरङ १ बाट अग्रता लिएका छन् । मोरङ ८ मा एमालेका चन्द्रबहादुर गुरुङले अग्रता लिएका छन् ।
रसुवाबाट एमाओवादीका प्रेम तामाङले अग्रता लिएका छन् ।
यसैगरी मधेसी जनअधिकार फोरम नेपालले रौतहट २ र मोरङ ४ बाट अग्रता लिएको छ । संघीय सदभावना पार्टी, फोरम लोकतान्त्रिक, तमलोपाले एक एक स्थानमा अग्रता लिएका छन् ।