नायिका करिश्मा: पहिलो पटक भोट हाल्दै ४० बर्ष नाघे पछि

४० बर्ष माथिको उमेरमा पुग्दा पनि नायिका करिश्मा मानन्धरले हालसम्म मतदान गरेकी छैनन् । उनलाई कहिले पनि भोट हालौं, कसैलाई जिताऔं जस्तो नै लागेन । आखिर कसलाई भोट दिएर के हुन्छ र भन्ने सोचाई थियो करिश्माको ।

पहिलो संविधान सभाको निर्वाचनमा पनि करिश्माले भोट हालिनन् ।तर यसपटक भने करिश्माको मनमा भोट हाल्नुपर्छ भन्ने जाग्यो । यसैले उनले मतदाता नामाबलीमा अन्तिम दिन गएर नाम लेखाइन् । एक कार्यक्रममा करिश्माले भनिन्, ‘जनताले मत नहाल्ने हो भने विकास निर्माणका काममा समेत असर पर्छ भन्ने वुझे ।’ यसैले यसपटक निर्धक्क भएर भोट हाल्ने तयारीमा लागेकी छिन् करिश्मा