|
|
 |
काठमाडौ, आश्विन १७ - हवाई भाडा बढेपछि दसैंमा पनि जहाज चढेर घरतर्फ जानेहरूको संख्या घटेको छ । पछिल्लो पटक नेपाल आयल निगमले हवाई इन्धनको मूल्यमा ७ रुपैयाँ बढाएर प्रतिलिटर १ सय ३७ पुर्याएको छ । त्यसपछि विमान कम्पनीहरूले पनि हवाई भाडामा लिइने इन्धनबापतको मूल्य बढाएपछि यात्रा महँगो बनेको हो ।
'
यसरी आन्तरिक हवाई कम्पनीहरूको मुख्य कमाइ हुने सिजनमै यात्रु नपाएपछि इन्धनको मूल्यवृद्धि फिर्ता लिनुपर्ने लगायत माग राखेर वायुसेवा सञ्चालक आन्दोलनमा उत्रिएका छन् । तीनबुँदे माग राख्दै वायुसेवा सञ्चालक संघ -आयोन) ले आन्दोलनका कार्यक्रम थालेको छ ।
दसैंका बेला भरिभराउ हुने जहाज यसपटकको बुकिङ हेर्दा १० प्रतिशतजति सिट खाली रहने अनुमान सञ्चालकहरूको छ । 'सिमरामा हाम्रो ६ उडान रहेकामा त्यसलाई घटाएर ४ मा ल्याउन सक्छौं,' बुद्धका बजार प्रबन्धक रुपेश जोशीले भने ।
पोखरा, भैरहवा, नेपालगन्ज र धनगढी, महेन्द्रनगरलगायत क्षेत्रमा आरामदायी बसहरू चल्न थालेपछि बढी समय लागे पनि यात्रुहरू त्यसबाटै यात्रा गर्न रुचाउन थालेका छन् ।
पछिल्लो समयमा बसहरूले खाना, चलचित्र र एयरकन्डिसन सुविधा थपेका छन्् । भाडा बढेपछि यी क्षेत्रमा जहाज खालीजस्तै हुन थालेको वायु सेवा सञ्चालक संघका सदस्यले बताए । हवाई यात्रु आकर्ष्र्ित गर्ने पूर्वका केही गाडीमा वाइफाई सुविधासमेत ल्याइएको छ । यी सुविधासहित दूरी अनुसार बढीमा २ हजार रुपैयाँसम्म पर्छ ।
भाडा बढेपछि धनगढीको एकतर्फी हवाई उडान गर्न १० हजार ८ सय रुपैयाँ, नेपालगन्जका लागि ८ हजार ५५, भैरहवाका लागि ५ हजार ७ सय ६५, विराटनगरलाई ६ हजार ४ सय ९५ रुपैयाँ तिर्नुपर्ने भएको छ । जब कि बसबाट यी ठाउँसम्म जानका लागि १ हजार २ सय रुपैयाँसम्म काफी छ । भद्रपुरको हवाई भाडा ७ हजार ४ सय रुपैयाँ छ
0 comments:
Speak up your mind
Tell us what you're thinking... !