बिश्व कुन वेबसाइट नम्बर १?????? (फोटो सहित)

न्टरनेट जाएन्ट गुगल विश्वको सबैभन्दा धेरै हेरिने इन्टरनेट साइटको रुपमा र पश्चिमा मुलुकहरुमा गुगल अन्य वेबसाइट भन्दा निकै अघि रहेको एक अध्ययनले देखाएको छ । अक्सफोर्ड इन्टरनेट इन्स्िटच्युटका शोधकर्ताहरुले गरेको अध्ययनले र तयार पारेको नक्शाले विश्वमा गुगलसँगै अन्य इन्टरनेट साइटहरुका

　
प्रयोगकर्ताको घनत्व कस्तो छ ? भन्ने छर्लंगै देखाएको छ । शोधकर्ताहरुले दशौँ लाख प्रयोगकर्ताको अध्ययन गरी तयार पारेको तथ्यांकले अध्ययनमा समावेश गरिएका मध्ये ६२ देशमा गुगल सबै भन्दा लोकपि्रय साइटको रुपमा रहेको छ । त्यस्तै गुगललाई पछ्याउँदै फेसबुक विश्वमा सबैभन्दा बढि हेरिने साइटको दोश्रो स्थानमा छन् । यसले ५० देशमा गुगललाई उछिनेको छ । प्रयोगकर्ताको संख्याको हिसाबले चिनिया सर्च इन्जिन बैदु तेश्रो स्थानमा छ । यो साइट चीन र कोरियामा मात्र चर्चित रहेपनि चिनिया प्रयोगकर्ता निकै धेरै रहेकाले यसले तेश्रो स्थानमा अड्डा
जमाउन सफल भएको हो । अध्ययनको क्रममा शोधकर्ताहरुले सम्बन्धित साइटका दैनिक औषत युनिक भिजिटरका साथै कुनै खास देशको कुनै खास महिनाको उक्त साइटको पेज भ्युको संख्याको मूल्यांकन गरेका थिए । गएको जुलाई र अगष्ट महिनाको डाटाका साथै इन्टरनेट विश्लेषक साइट एलेक्साको समेत सहयोग लिएर पछिल्लो तथ्यांक तयार पारिएको हो । अध्ययनपछि तयार पारिएको नक्सामा गुगललाई रातो रंगमा, फेसबुकलाई निलो तथा याहुलाई बैजनी रंगमा देखाइएको छ । त्यस्तै बेदुलाई हरियो रंगमा देखाइएको छ । यस अनुसार याहु जापानमा सबैभन्दा लोकपि्रय रहेको देखिन्छ भने चीन र दक्षिण कोरियामा बैदुले कब्जा जमाएको छ । यो नक्सा अनुसार नेपालमा फेसबुक एक नम्बरमा रहेको छ । भारतमा गुगल एक नम्बरमा छ भने बंगलादेश र श्रीलंकामा पनि फेसबुकले नै प्रभुत्व जमाएको छ ।